بھارتی کرکٹ ٹیم کے سابق کپتان اور وکٹ کیپر مہیندرا سنگھ دھونی نے لسٹ اے میچوں میں سب سے زیادہ اسٹمپ آؤٹ کرنے کا ریکارڈ اپنے نام کرتے ہوئے پاکستانی سابق وکٹ کیپر معین خان کو پیچھے چھوڑ دیا۔

22 جون کو افغانستان سے میچ کے 46 ویں اوور میں ایم ایس دھونی نے انتہائی تیزی سے افغان بلے باز محمد راشد کی بیلز اڑائیں، اب دھونی کی جانب سے لسٹ اے میں اسٹمپنگ کی تعداد 140 ہوچکی ہے، جو معین خان کے139 شکار سے ایک اسٹمپ زائد ہے۔

یاد رہے کہ ورلڈکپ 2019ء کے 28 ویں میچ میں بھارت نے سنسنی خیز مقابلے کے بعد افغانستان کو 11 رنز سے شکست دیدی تھی۔