کراچی: معروف اداکارہ ذہین طاہرہ دل کو دورہ پڑنے پر اسپتال منتقل کردیا گیا، شوبز کمیونٹی اور اہلخانہ کی جانب سے طاہرہ آپا کی جلدصحتیابی کیلئے دعا کی اپیل کی گئی ہے۔

تفصیلات کے مطابق کراچی سے تعلق رکھنے والی ذہین طاہرہ پی ٹی وی کی تاریخ کی سب سے سینئر اور بزرگ اداکارہ ہیں وہ ابتدا سے ہی ٹی وی اسکرینوں پر چھائی رہی ہیں۔

ویٹرن اداکارہ اب تک سات سو سے زائد ڈراموں میں کام کرچکی ہیں، انہیں پی ٹی وی کے سب سے مقبول ترین ڈرامے 'خدا کی بستی' میں کام کرنے کا اعزاز بھی حاصل ہے۔

اس کے علاوہ دل دیا دہلیز، انوکھا بندھن، خالہ خیرن، جینا اسی کا نام ہے، چاندنی راتیں، شمع، زینت، عروسہ، عجائب خانہ، راستے دل کے اور دیگر لاتعداد کاسیک ڈراموں میں جلوہ گر ہونے کا موقع بھی ملا۔