کرینہ کپور کے ساتھ مرکزی کردار کی آفر ہوئی تھی، دانش تیمور
دانش تیمور کا شمار پاکستان کے خوبصورت اور بہترین اداکاروں میں ہوتا ہے، حالہ ہی میں انہوں نے ایک انٹرویو کے دوران انکشاف کیا ہے کہ انہیں بولی وڈ فلم 'ویرے دی ویڈنگ' میں کرینہ کپور کے مخالف مرکزی کردار ادا کرنے کی پیشکش ہوئی تھی۔
انہوں نے کہ جب انہیں کرینہ کپور کے ساتھ مرکزی کردار نبھانے کی پیشکش ہوئی تو اسے فراخ دلی کے ساتھ قبول کیا تھا۔
انٹریو کے دوران ان کا مزید کہنا تھا کہ بات اتنی آگے بڑھ چکی تھی کہ شوٹنگ کی تاریخیں اور پیسوں کے معاملات بھی طے پاگئے تھے لیکن عین موقع پر کرینہ کپور حاملہ سے ہوگئیں اور فلم کی تاریخوں کو آگے بڑھانا پڑا۔
دانش تیمور نے مزید بتایا کہ کرینہ کپور بیٹے تیمور علی خان کی پیدائش کے بعد جب شوٹنگ کیلئے تیار ہوئیں تو پاک بھارت تعلقات کشیدگی کا شکار ہوگئے اور یوں وہ بولی وڈ جاتے جاتے رہ گئے۔
واضح رہے بولی وڈ فلم 'ویرے دی ویڈنگ' گزشتہ برس 31 مئی کو ریلیز ہوئی تھی جس میں کرینہ کپور، سوارا بھاسکر، سونم کپور اور شیکھا تلسانیہ نے کا کیا جبکہ کرینہ کے مقابل مرکزی کردار سومیت ویاس نے ادا کیا۔
Comments are closed on this story.