پاکستان اور خیبر پختونخواہ کی معروف سنگر گل پانرہ پشاور زلمی اور گلوبل زلمی کی ریجنل برانڈ ایمبیسیڈر مقرر

پاکستان اور بالخصوص خیبر پختونخواہ میں اپنی آواز سے لاکھوں فینز کے دلوں میں جگہ بنانے والی سنگر گل پانرہ کو پشاور زلمی، زلمی فاونڈیشن اور گلوبل زلمی کا ریجنل برانڈ ایمبیسیڈر مقرر کیا گیا ہے۔

پشاور زلمی کے چیرمین جاوید آفریدی نے اپنے ٹوئٹر پیغام زریعے گل پانرہ کو ریجنل برانڈ ایمبیسیڈر مقرر کرنے کا اعلان کیا ۔ انہوں نے کہا گل پانرہ سیزن ون سے پشاور زلمی کی سپورٹر رہی ہیں۔

پشاور زلمی کے ساتھ گل پانرہ زلمی فاونڈیشن کی سرگرمیوں خصوصا ویمن اینڈ یوتھ ایمپاور منٹ میں بھی شریک رہیں گیں۔

گل پانرہ نے بھی پشاور زلمی کا حصہ بننے پر خوشی کا اظہار کیا ہے اور کہا کہ پوری امید ہے کہ ٹیم زلمی پی ایس ایل فور میں اپنی کارکردگی سے ایک بار پھر شائقین کرکٹ کا دل جیتنے میں کامیاب رہے گی۔

انہوں نے زلمی فاونڈیشن کے زریعے خیبر پختونخواہ میں ویمن اینڈ یوتھ ایمپاورمنٹ اور زلمی اسکول لیگ، زلمی مدرسہ لیگ اور ہائیر زلمی ہنڈر پچز پراجیکٹ جیسے مثالی پروگرام منعقد کرنے پر چیرمین پشاور زلمی جاوید آفریدی کو مبارکباد دی۔

گل پانرہ نے پی ایس ایل سیزن ون کے لیے پشاور زلمی کے اینتھم تیار کیا تھا جس نے مقبولیت حاصل۔کی تھی۔ جلد گل پانرہ سیزن فور کے لیے بھی زلمی اینتھم ریلیز کریں گی۔