اوڈیشہ کی ایک مقامی تنظیم نے اداکار شاہ رخ خان کو دھمکی دی ہے۔ کلنگ سینا نام کی اس تنظیم نے کہا کہ اگر وہ آئندہ ہفتے یہاں ہونے والے ورلڈ کپ میں آتے ہیں تو انہیں سیاہ پرچم دکھائے جائیں گے اوران پر سیاہی پھینکی جائےگی۔
کلنگ سینا کے سربراہ ہیمنت رتھ نے کہا کہ شاہ رخ خان نےآج سے 17 سال پہلے فلم ’اشوکا‘ میں اوڈیشہ اور یہاں کے لوگوں کی توہین کی تھی۔فلم میں اوڈیشہ کی ثقافت کو غلط طریقے سے دکھایا گیا تھا اور اس ہی وجہ سے فلم کو ایک ہفتے بعد ہی سینیما گھروں سے ہٹا دیا گیا تھا ۔
کنگ خان کو وزیر اعلیٰ نوین پٹنائک نے بھونیشور میں ہاکی ورلڈکپ میں آنے کی دعوت دی ہے جو کہ کلنگا اسٹیڈیم میں 28 نومبر سے 16 دسمبر تک کھیلا جائے گا اور وہاں کی انتطامیہ اور پولیس نے شاہ رخ خان کی سیکیورٹی کی ذمہ داری لینے کا بھی کہا ہے۔