کراچی: سندھ ہائیکورٹ نے پولیس افسران کی تقرری،تبادلے اور قانون سازی سے متعلق کیس میں وزیراعلی سندھ مراد علی شاہ اور دیگر کو توہین عدالت کا نوٹس جاری کردیا۔

درخواست گزار نے سندھ ہائیکورٹ میں موقف اختیار کیا کہ عدالتی احکامات کے  باوجود سندھ حکومت پولیس افسران کی تقرری اور تبادلوں سے متعلق قانون سازی میں دلچسپی نہیں لے رہی۔

درخواست گزار نے کہا عدالت پہلے بھی سندھ حکومت کو متعدد بار مہلت دے چکی۔جس پر سندھ ہائیکورٹ نے  وزیراعلی سندھ مراد علی شاہ،آئی جی سندھ اور دیگر کو توہین عدالت کا نوٹس جاری کردیا۔ فریقین کو سات نومبر تک جواب دینے کی ہدایت دی گئی ہے