لاہور میں پولیس اور رینجرز نے مشترکہ سرچ آپریشن کے دوران اسلحے کی بڑی کھیپ پکڑ لی۔پانچ ملزمان کو موقع سے گرفتار کرکے مقدمہ درج کرلیا گیا۔

 لاہور کے علاقے مناواں میں گذشتہ رات پولیس اور رینجرزکی جانب سے مشترکہ سرچ آپریشن کیا گیا۔

 کارروائی کے دوران بڑی تعداد میں اسلحہ برآمد کرلیا گیا۔

پولیس نے صادق، علی، عمران، عظیم اورعلی رضا نامی پانچ ملزمان کو موقع سے گرفتار کرلیا۔

 پولیس کے مطابق ملزمان کے قبضہ سے سات رائفلز، تین پستول اور مختلف اسلحہ کے سولہ سو پانچ راونڈز برآمد ہوئے ہیں۔

گرفتار ملزمان کےخلاف مقدمہ درج کرکے مزید تفتیش کا آغاز کردیا گیا ہے۔