حال ہی میں سنجے دت کی زندگی پر بننے والی فلم کا ٹیزر ریلیز کیا گیا ہے جسے دیکھ کر مداح بےحد متاثر دکھائی دے رہے ہیں ۔ لوگوں کو کہنا ہے کہ راج کمار ہیرانی کی یہ نئی فلم کافی دلچسپ دکھائی دے رہی ہے جبکہ  ٹیزر میں سب سے زیادہ چرچہ  رنبیر کپور کی کارگردگی پر کی جارہی ہے۔

فلم کے ٹیزر میں رنبیر کپور ہوبہو سنجے دت سے مل رہے ہیں جس کا اندازہ اس بات سے لگایا جاسکتا ہے کہ فلم بین  دونوں اداکار  کے درمیان فرق ڈھونڈنے میں ناکام رہے۔

البتہ آپ کو بتاتے چلے کہ  بولی وڈ سپر اسٹارز کا بھی یہی خیال ہے کہ سنجے دت کا کردار رنبیر کپور سے اچھا اور کوئی نہیں نبھا سکتا ہے۔

رنبیر کی کزن  کرینہ کپور خان  نے یہ ماننے سے انکار کردیا کہ رنبیر کپور سے اچھا کوئی اور اسٹار سنجے  کا کردار نبھا سکتا ہے۔ ایک تقریب میں فلم کے بارے میں بات کرتے ہوئے  کرینہ کپور  اپنے بھائی  رنبیر کی تعریف کرتے ہوئے کہنے لگی کہ'سنجے دت کا کردار رنبیر کپور سے اچھا اور کوئی نہیں نبھا سکتا۔ مجھے نہیں لگتا ہے کہ رنبیر سے اچھا کوئی اور ہوسکتا ہے۔'

خیر اس بات میں کوئی شک نہیں کہ رنبیر کپور کی اداکاری فلم کے ٹیزر میں کافی اچھی دیکھی جاسکتی ہے اور ہمیں امید ہے کہ راج کمار کی یہ فلم بھی بولی وڈ  کی بلاک بسٹر فلموں میں سے ایک ہو گی۔

واضح رہے کہ کرینہ کپور خان کو پہلی بار رنبیر کپور کی تعریف کرتے ہوئے نہیں دیکھا گیا ہے بلکہ اس سے پہلے بھی کرینہ ، رنبیر کے ساتھ کام کرنے کی خواہش کا اظہار کرچکی ہیں۔

سنجے دت کی زندگی پر بننے والی فلم'سنجے' میں رنبیر کے ہمراہ دیا مرزہ، انوشکا شرمہ، سونم کپور اور وکی کوشال کو اہم کردار میں دیکھا جائے گا جبکہ فلم رواں سال 29 جون کو ریلیز کی جائے گی۔

بشکریہ: بولی وڈ لائف