نیو دہلی: مشہور میسجنگ ایپ واٹس ایپ  نے اینڈرائڈ کیلئے ایک نیا فیچر متعارف کروادیا۔  اس نئے فیچر کے استعمال سے اب صارفین  ڈیلیٹ کی گئی میڈیا فائلز کو پھر سے ڈاؤن لوڈ کرسکتا ہے۔

جی ہاں! رپورٹ کے مطابق  پہلے صارفین ڈیلیٹ کی گئی تصاویر یا ویڈیو کو واپس فون میں نہیں لا سکتے تھے لیکن اب اس نئے فیچر کی مدد سے یہ ممکن ہوگیا ہےالبتہ واٹس ایپ کے یہ فیچراستعمال کرنے کیلئے آپ کو ایپ اپ ڈیٹ کرنا  ضروری ہے۔

WhatsApp allows now to redownload deleted media!https://t.co/NMNHTG359t

— WABetaInfo (@WABetaInfo) April 14, 2018

گزشتہ مہینے واٹس  ایپ  کی بیٹاورژن میں ایک نیا  فیچر  متعارف کروایا تھا جس کی مدد سے لوگ اپنے واٹس ایپ کا ڈیٹا بغیر کسی پریشانی کے دوسرے نمبر پر ٹرانسفر کرسکتے ہیں ، یہ فیچر البتہ اینڈرائڈ میں موجود ہے اور جلد ہی یہ فیچر آئی او اس کیلئے بھی متعارف کروادیا جائے گا۔

واضح رہے کہ ہر ماہ 1.5 ارب صارفین واٹس ایپ کا استعمال کرتے ہیں اور ہر دن لگ بھگ  60 ارب میسجز سینڈ کیے جاتے ہیں۔

بشکریہ: زی نیوز