کچھ دنوں قبل خبر خوب گردش کررہی تھی کہ باہوبلی کے سپر اسٹار پرابھاس اپنی ساتھی اداکارہ انوشکا شیٹھی سے شادی کرلیں گے۔ تاہم دونوں اس بات کی تردید کرتے ہوئے اسے محض افواہ قرار دیا۔

تاہم تازہ ترین اطلاعات کے مطابق پرابھاس ممکنہ طور پر ویٹرن اداکار چیرن جیوی کی بھتیجی نہاریکا کونیڈیلا کو اپنا جیون ساتھی بنائیں گے۔

حالانکہ نیہاریکا کے انکل چیرن جیوی ان تمام اطلاعات کو محض افواہ قرار دیا ہے۔ ان کا کہنا ہے کہ نیہاریکا اس وقت صرف اپنے کیریئر پر ہی توجہ مرکوز کئے ہوئے ہیں اور اس طرح کی افواہوں کو فوراً بند ہوجانا چاہیئے۔

انہوں نے مزید کہا کہ 'ہماری فیملی اس وقت نیہاریکا کو صرف اپنے کیریئر پر توجہ دیتے ہوئے دیکھنا چاہتی ہے اور اس وقت ان کی شادی کا کوئی ارادہ نہیں ہے'۔

نیہاریکا ایک اداکارہ ہونے کے ساتھ ساتھ پریزینٹر بھی ہیں، وہ زیادہ تر تیلوگ اور تامل سینما میں اپنے کام کی وجہ سے شہرت رکھتی ہیں۔ انہوں نے اپنے فلمی کیریئر کا آغاز 'اوکا ماناسو' سے کیا۔

نیہاریکا اداکار چیرن جیوی کے بھائی نگیندرا بابو کی بیٹی ہیں۔ یاد رہے باہوبلی سپر اسٹار کو لاتعداد شادی کی پروپوزلز موصول ہوچکی ہیں۔ اب دیکھنا یہ ہے کہ کیا واقعی ان کی شادی نیہاریکا سے ہوگی یا ان کی دلہنیہ اور کوئی بنے گی۔

Thanks to bollywoodpapa