بولی وڈ کے دبنگ خان کو جمعرات کے روز جودھ پور کی ٹرائل کورٹ نے کالا ہرن کیس میں 5 سال جیل اور 10 ہزار روپے جرمانے کی سزا سنائی تھی جس کے بعد ان کے مداح اور مشہور شخصیات خاصے حیران اور پریشان نظر آئے۔

عدالت نے 20 سال بعد نایاب ہرن کے شکار کیس میں سلمان خان کو مجرم قرار دیا اور سزا سنادی، جبکہ دیگر نامزد ملزمان سیف علی خان، سونالی باندرے، تبواورنیلم کوبری کردیا گیا۔

سلمان خان کے متعلق اس خبر نے نہ ہی صرف ان کے مداح کو مایوس کیا  بلکہ ان کاپورے خاندان کو کورٹ کا فیصلہ سن کر جھٹکا لگا۔ بولی وڈ کے معرودف اسٹارز  جیا بچن، واحیدہ رحمن، ڈیوڈ دھون، ورون دھون، ارجن رامپال سے لے کر سوبھاس گھائی نے بھی سلمان خان کا ساتھ دیتے ہوئے اپنی آواز بلند کی۔

اسی درمیان ، انٹرنیٹ پر بولی وڈ کے کنگ خان شاہ رخ کی ایک پرانی ویڈیو وائرل ہوگئی جس میں دیکھا جاسکتا ہے کہ وہ اداکار سلمان خان کیلئے اپنے جذبات بیان کررہے ہیں اور ساتھ میں وہ یہ بھی بتارہے ہیں کہ جہاں سلیبریٹی ہونے کے فائدے ہیں وہی اس کے بےحد نقصان بھی ہیں۔

شاہ رخ خان کی پرانی ویڈیو دیکھیں:

Throwback VIDEO: When @iamsrk lent his support to @BeingSalmanKhan #SalmanVerdict #SalmanKhan pic.twitter.com/uP8VjWx01L

— SRK ASSAM FAN CLUB (@SRKAssamCFC) April 6, 2018

شاہ رخ اور سلمان کی دوستی 90 کی دہائی سے کافی مضبوط تھی جب وہ ایک ساتھ بلاک بسٹر فلم' کرن ارجن' میں ایک ساتھ دیکھے گئے تھے۔

 البتہ  اس کے بعد دونوں اسٹارز میں نوک جھوک بھی دیکھی گئی تھی لیکن دونوں اسٹارز نے دل سے ایک دوسرے کیلئے نفرت ختم کرکے ایک بار پھر دوستی کا رشتہ قائم کرلیا تھا۔

بشکریہ: زی نیوز