کون کہتا ہے کہ گوریلاز صاف ستھرائی کا خیال نہیں رکھتے؟  فیلی ڈیفیا  کے ایک چڑیا گھر میں  لوئس نامی گوریلا دیکھا گیا جو انسانوں کی طرح چل رہا تھا تاکہ اس کے ہاتھ خراب نہ ہوجائیں۔

اٹھارہ سالہ اس گوریلے کے اس عمل کو لوگوں نے اپنے کیمرے  میں ویڈیو کی شکل میں قید کرلیا۔

ویڈیو دیکھیں:

ویڈیو میں دیکھا جاسکتا ہے کہ لوئس اپنے ہاتھ میں کھانا لیے ایک عام انسان کی طرح دو پیروں سے چڑیا گھر میں چہل قدمی کر رہا ہے تاکہ  اس کے ہاتھ میں پڑا کھانا گندہ نہ ہوجائے۔

چڑیا گھر میں آنے والے ناظرین گوریلے کے اس عمل سے بےحد متاثر ہوئے اور کچھ ہی دیر میں گوریلے کی یہ ویڈیو فیس بک پر وائرل ہوگئی۔

چڑیا گھر کے انتظامیہ کا کہنا ہے کہ  عموماً گوریلا  اس طریقے سے نہیں چلتے بلکہ وہ چاروں پیروں کا استعمال کرتے ہوئے اپنی خوراک ڈھونڈتے ہیں۔

بشکریہ: زی نیوز