لاہور: پاکستان سپر لیگ دبئی کے صحرا سے اُٹھ کر پلے آف مرحلے کے لئے پاکستان میں اپنا رنگ جما چکی ہے۔ تاہم اس پلے آف کے تیسرے اور پاکستان میں کھیلے جارہے دوسرے میچ میں بارش کے باعث دلچسپ صورتحال پیدا ہوگئی ہے۔

لاہور کے مختلف علاقوں میں آج صبح سے بونداباندی کا شروع ہونے والا سلسلہ موسلا دھار بارش کی صورت اختیار کرچکا تھا۔ جس کی وجہ سے ایلیمنیٹر 2 پر خطرے کی گھنٹی بج رہی ہے۔

لبرٹی، گلبرگ اور قذافی اسٹیڈیم سے ملحقہ علاقوں میں گزشتہ کافی دیر سے تیز بارش جاری تھی جس کے باعث آج پاکستان سپر لیگ کے ہونے والے پلے آف مرحلے کے تیسرے میچ کی صورتحال مزید دلچسپ ہوگئی ہے۔