فلم ساز شوجت سرکار اس بار ایک نئی  محبت کی کہانی کے ساتھ بھارتی سنیما میں قدم رکھ چکے ہیں۔   فلم 'اکتوبر' میں ورون دھون اور اس فلم سے اپنے کیریئر کا آغاز کرنے والی بنیتا ساندھو مرکزی کردار نبھاتے ہوئے دکھائی دیں گی۔

فلم 'اکتوبر' کا ٹریلر آپ کو محبت کے ایک خوبصورت سفر کی طرف لے جائیں گا  جسے دیکھ کر آپ چند ہی سیکنڈ میں متاثر ہوجائیں گے۔

مختلف اور انوکھی کہانیوں کی وجہ سے مشہور فلم ساز نے اس بار بھی اپنی نئی فلم کیلئے ایک ایسی کہانی کا انتخاب کیا ہے جسے دیکھ کر لوگوں کے جذبات کی عکاسی کی جاسکتی ہے۔

ٹریلر میں دیکھا جاسکتا ہے کہ ورون  ایک ڈین نامی شخص کا کردار نبھا رہے ہیں جو ہسپتال انڈسٹری میں اپنی جگہ بنانا چاہتا ہے۔ جبکہ بنیتا ایک  پراسرار لڑکی کا کردار نبھارہی ہیں۔

فلم کا بوسٹر 13 اپریل کو ریلیز کیا گیا تھا جسے خود اداکار ورون دھون نے اپنے ٹوئٹر اکاؤنٹ پرپوسٹ کیا تھا۔

Sometimes the greatest way to say something is to say nothing at all but baby I can’t help myself. #OctoberTrailer out tomorrow @BanitaSandhu @ShoojitSircar @ronnielahiri @writeonj pic.twitter.com/LOpuiyFqnD

— Varun DAN Dhawan (@Varun_dvn) March 11, 2018

فلم کی دلچسپ بات یہ بھی ہے کہ فلم کے ہدایت کار نے ورون دھون کو فلم میں ایک جذباتی کردار دکھانے کیلئے راتوں کو سونے سے منع کردیا جس کے  بعد ورون دھون  فلم کی شوٹنگ کے دوران پورا ہفتہ نہ سوئے۔  ورون اور ہدایات کار کی یہ کوشش ٹریلر میں بخوبی دیکھی جاسکتی ہے۔

فلم کے ٹریلر کا یہ دعوی ہے کہ یہ کہانی کوئی عام محبت کی کہانی نہیں۔

فلم کا ٹریلر دیکھیں:

بشکریہ: اسکوپ شوپ