زینب کے قاتل عمران کو سرعام پھانسی دی جائے یا نہیں شریعت کی روح سے اس معاملے کا جائزہ لینے کیلئے جمعرات کو اسلامی نظریاتی کونسل کا اجلاس ہوا۔

اسلامی نظریاتی کونسل نے صورتحال کا جائزہ لینے کے بعد معاملہ حکومت اور عدالت پر چھوڑ دیا، کونسل کا کہنا تھا کہ شریعت جیل یا سر عام سزا پر پابندی عائد نہیں کرتی۔ شق نمبر 10 میں سزا کا اختیار حکومت اور جج کو دیا جا چکا ہے۔

اسلامی نظریاتی کونسل نے ملزم عمران کو سزا جلد از جلد اور اس کی تشہیر پر بھی زور دیا۔ ساتھ ہی مجرم کا میڈیا ٹرائل نہ کرنے کی بھی تاکید کی۔

اسلامی نظریاتی کونسل میں ویلنٹائن ڈے کا موضوع بھی زیر بحث رہا جس پر واضح موقف اختیار کرتے ہوئے ویلنٹائن ڈے کو غیر اسلامی و غیر اخلاقی دن قرار دیا گیا