وہ جو کہتے ہیں کہ 'انٹرنیٹ  پر دیکھنے والی چیز پر بھروسہ نہیں کرنا چاہیے' شاید تھیک کہتے ہیں۔ انٹرنیٹ پر ایسی کافی چیزیں  دیکھی جاتی ہیں جن پر یقین کرنے کے علاوہ ہمارے پاس اور کوئی راستہ نہیں ہوتا بلکل اسی طرح حال ہی میں  حیدرآباد میں ہونے والے ایک حادثے کی ویڈیو انٹرنیٹ پر وائرل کی گئی تھی جس کی حقیقت  منظر عام پر آگئی۔

حادثے کی وائرل ویڈیو میں دیکھا جاسکتا تھا کہ ایک شہری  ریل وے پر کھڑے چلتی ہوئی ٹرین کےساتھ سیلفی ویڈیو بنارہا تھا جس کے بعد ٹرین اسے کچل کر لے گئی۔

اس حادثے کے بعد انٹرنیٹ پر بہت سے لوگوں نے افسوس کا اظہار کیا جبکہ کچھ شہریوں نے بتایا کہ زخمی ہونے کی وجہ سے  شہری کو  ہسپتال منتقل کردیا گیا ۔

اب حال ہی میں انڈیاز ٹوڈے کے ایک  صحافی نے انسٹاگرام پر ایک ویڈیو پوسٹ کی جس میں دیکھا جاسکتا ہے کہ وہی شہری اپنے دوستوں کے ہمراہ ایک ویڈیو بنارہا ہے  جس سے یہ ثابت ہوتا ہے کہ   حادثے کی وہ ویڈیو ایک مذاق تھا  تاکہ لوگوں کو زندگی کی اہمیت کے بارے میں بتایا جاسکے۔

Now that's what I call a miracle !! The stupid Selfie man hit by speeding train is doing fine with no visible or serious injuries. #Hyderabad pic.twitter.com/I7aYWUFnzX

— Aashish (@Ashi_IndiaToday) January 25, 2018

البتہ ایک اور صحافی نے یہ بھی بتایا کہ اس شہری کا نام 'شیوا' ہے اور حادثے کی وہ جعلی  ویڈیو اس نے اپنے دوستوں کے ہمراہ بنائی تھی۔ شیوا نامی یہ شخص ماداپور کے ایک جم میں کام کرتا تھا  لیکن اس حادثے کے بعد  شہری  فرار ہوچکا ہے۔

This guy Shiva n his friends created MMTS train accident fake video, fooled ppl as accident took place, this guy works in a gym at Madapur as general instructor, got this info from my teammate who goes to this gym, now this guy is absconding pic.twitter.com/QebASR3FcS

— Nellutla Kavitha (@iamKavithaRao) January 25, 2018

جب لوگوں کو اس حادثے کے پیچھے چھپی اس حقیقت کا پتا لگا تو انہوں   نے غصہ کا اظہار کرتے ہوئے شیوا کو تنقید کی نظر سے دیکھا۔ جبکہ شیوا کا کہنا ہے کہ یہ مذاق میں نے اس لئے کیا تاکہ لوگوں کو زندگی کی اہمیت کا احساس ہوسکے۔

بشکریہ: اسٹوری پک