بگ باس 11 کا اختتام اتوار کو ایک بڑی قسط سے کیا گیا جہاں شلپا نے  حنا خان کو ہرا کر بگ باس کا ٹائٹل اپنے نام کرلیا جبکہ وکاس ٹاپ 3 کنٹسٹنٹ میں شامل ہوئے۔

ایک اکتوبر کو 19 کنٹسٹنٹ کا سفر بگ باس کے گھر میں شروع ہوا جو کہ105 دن تک چلتا رہا، اس درمیان ہم نے کنٹسٹنٹ کو آپس میں لڑتے جھگرتے اور پیار کرتے ہوئے دیکھا اور ان 19 کنٹسٹنٹ میں سے 13 کنٹسٹنٹ بگ باس فائنل کا حصہ بھی بنے جن میں سے کچھ کنٹسٹنٹ نے بڑے اسٹیج پر سلمان اور اکشے کے ساتھ پرفارم بھی کیا۔

یہ بھی پڑھیں:شلپا شندے نے بگ باس 11 کا ٹائٹل جیت لیا

البتہ  فائنل میں 6 کنٹسٹنٹ کو ہم نہ دیکھ سکے کیونکہ انہیں بگ باس کے فائنل کا دعوت نامہ نہ دیا گیا۔

چلے ہم آپ کو بتاتے ہیں کہ وہ 6 کنٹسٹنٹ کون تھے۔

زبیر خان

سلمان خان شروع سے ہی زبیر خان سے  خوش نہ تھے جس کے بعد زبیر خان نے شو سے نکلتے ہی ان کے بارے میں غلط باتیں کرنا شروع کردیں  جس کی وجہ سے انہیں  بگ باس کے فائنل کا دعوت نامہ نہیں دیا گیا۔

شیوانی درگہ

روحانی لیڈر کہلانے والی شیوانی  بھی فائنل کا حصہ نہ بن پائیں البتہ وہ شو کے خلاف تو نہیں تھیں لیکن زبیر خان کی اچھی دوست تھیں۔

مہجبی صدیقی

مہجبی ایک خوشگوار کنٹسٹنٹ تھیں اور بگ باس کے گھر دوسرے کنٹسٹنٹ کے ساتھ اچھے سے رہتی تھیں لیکن انہیں فائنل میں نہ دیکھ کر مداح ضرور حیران ہوئے۔

سبیاساچی سٹپاتھی

فائنل میں سبیاساچی کی غیر موجودگی نے کچھ کنٹنسٹنٹ کو ضرور حیران کیا کیونکہ وہ وکاس کے بہت اچھے دوست تھے اور انہوں نے بگ باس ہاؤس میں کبھی بھی تنازعات والا کھیل نہیں کھیلا۔

جوتی کماری

بہار کی ایک طالب علم جو بگ باس ہاؤس میں اتنے سارے سلیبرٹی کے ساتھ موجود تھیں وہ بھی بگ باس کے فائنل کا حصہ نہ بن سکی۔

لیوسنڈا نیکولس

جوتی کی طرح لیوسنڈا بھی بگ باس سے نکلنے کے بعد نہ دکھ سکیں تاہم اس بات کا پتہ اب تک نہیں لگایا جاسکا کہ بگ باس کی ٹیم نے فائنل کے متعلق ان سے رابطہ کیا تھا یا نہیں۔

بشکریہ: ہندوستان ٹائمز