ہریتک روشن نے اپنے فلمی کیریئر کا آغاز سنہ 2000 میں ریلیز ہونے والی فلم 'کہو نا پیار ہے' سے کیا۔ ان 18 برسوں میں انہوں نے بولی وڈ کو ایک سے ایک کامیاب فلم دی، تاہم اس بات سے بھی انکار نہیں کیا جاسکتا کہ وہ کچھ فلاپ فلموں کا بھی حصہ رہے۔

آج ہم آپ کو ڈانس مووز اور لُکس کی وجہ سے شہرت رکھنے والے مشہور بولی وڈ اداکار ہریتک روشن کی 9 بڑی فلاپ فلموں کے بارے میں بتانے جارہے ہیں، ذیل میں ملاحظہ کریں۔

یادیں

فلم 'یادیں' سبھاش گھئی کے ساتھ ہریتک کی پہلی فلم تھی، اس فلم میں مرکزی کردار ہریتک، کرینہ اور جیکی شروف نے ادا کیا۔ یہ ایک فیملی فلم تھی مگر باکس آفس پر کچھ خاص کارنامہ نہ دکھا سکی۔

نہ تم جانو نہ ہم

یہ فلم ہریتک روشن، عیشا دیول اور سیف علی خان کے لَو ٹرائی اینگل پر مبنی تھی۔ صرف 8.60 کروڑ کی کمائی کے ساتھ اس فلم کو جلد ہی بھلا دیا گیا۔

مجھ سے دوستی کروگی

یہ فلم بھی لَو ٹرائی اینگل پر مبنی تھی، اس فلم نے ہریتک کے ہمراہ رانی مکھرجی اور کرینہ کپور جیسے بڑے ناموں کے باوجود ناظرین کی توجہ حاصل نہ کی اور بری طرح فلاپ ہوگئی۔

موہن جو دڑو

سال 2016 میں ریلیز ہونے والی فلم 'موہن جو دڑو' سے خاصی امیدیں تھیں، کیونکہ اس فلم کو کافی بھاری بجٹ کے عوض بنایا گیا تھا۔ تاہم آج تک کی یہ ہریتک کی سب سے ناکام فلم ثابت ہوئی۔

میں پریم کی دیوانی ہوں

یہ فلم ریلیز کے بعد خاصی مشہور رہی تاہم صرف 17 کروڑ کا ہی بزنس کرسکی۔ یہ کمائی امیدوں کے بر خلاف ثابت ہوئی۔

لکش

فلم 'لکش' میں ہریتک نے اپنے کیریئر کے بہترین کرداروں میں سے ایک کردار نبھایا۔ لیکن باکس آفس پر اس کی کارکردگی بھی خاصی مایوس کن رہی۔

کائٹس

ہریتک روشن کی فلم 'کائٹس' میں میکسیکن اداکارہ باربرا موری بھی جلوہ گر ہوئیں۔ فلم کو انگریزی اور ہندی دونوں میں ہی بنایا گیا لیکن پھر بھی یہ فلم بینوں کی توجہ اپنی جانب مبذول نہ کرسکی۔ یہ بھی ایک بڑی فلاپ ثابت ہوئی۔

گزارش

فلم 'گزارش' میں ہریتک روشن نے ایک مفلوج شخص کا کردار ادا کیا، سنجے لیلا بھنسالی کی ہدایتکاری میں بننے والی اس فلم نے بھی کوئی خاص کارکردگی نہ دکھائی۔

فزا

ہریتک روشن نے فلم 'فزا' میں شاندار اداکاری کی، ساتھ ہی اس میں جیا بچن اور کرشمہ کپور جیسے بڑے نام بھی شامل تھے۔ لیکن پھر بھی اس کی مجموعی آمدنی خاصی کم رہی۔

Thanks to filmipop