ایک اچھی  اسکرپٹ کو منتخب کرنا ضرور ایک مشکل عمل ہے جس کی وجہ سے بعض دفعہ اسٹار کچھ بڑی فلموں کیلئے انکار کر بیٹھتے ہیں کیونکہ فلم کی اسکرپٹ انہیں پسند نہیں آتی جس کے نتیجے میں فلم کی ٹیم کسی اور اسٹار کو منتخب کرلیتی ہے اور اگر خوش قسمتی سے فلم کامیاب ہوجاتی ہے تو ان اسٹارز کو بُرا لگتا ہے جنہوں نے فلم کیلئے منع کردیا تھا۔

آج ہم آپ کو ایسے ہی چند اسٹارز کے بارے میں بتائیں گے جنہوں نے ایسی فلموں میں کام کرنے سے انکار کردیا جو شاید ان کے کیرئیر کو چار چاند لگا سکتا تھا۔

سری دیوی

فہرست میں سب سے پہلے نام سری دیوی کا شامل ہے۔ اداکارہ نے اپنے اداکاری کے وقت میں کچھ مشہور فلمیں کرکے بڑا نام کمایا جن میں فلم مسٹر انڈیا شامل ہے۔  رپورٹ کے مطابق انگلش ونگلش کی اداکارہ کوباہو بلی فرنچائز فلم میں 'سیواگامی' کا کردار نبھانے کا موقع ملا تھا جس کیلئے انہوں نے انکار کردیا۔

شاہ رخ خان

شاہ رخ خان اب تک بےشمار فلموں کیلئے انکار کرچکے ہیں لیکن ان میں سے سب سے اہم فلم 'منا بھائی ایم بی بی ایس' تھی۔ جی ہاں منا بھائی کے کردار کیلئے سنجے دت سے پہلے شاہ رخ خان کا نام لیا گیا تھا لیکن انہوں نے فلم کیلئے منع کردیا۔

سلمان خان

سلمان خان  نے  فلم'چک دے انڈیا' میں کوچ کا کردار کرنے سے انکار کردیا تھا جس کے بعد شاہ رخ خان نے وہ کردار نبھایا اور ان کے کیرئیر  میں ایک اور  بہترین فلم کا اضافہ ہوگیا۔

کترینہ کیف

مداحوں کو اب تک یہ بات سمجھ نہ آسکی کے کترینہ کیف نے باجی راؤ مستانی  جیسی فلم کیلئے انکار کیوں کیا؟  کترینہ کا بعد فلم میں کردار اداکارہ  دپیکا نے نبھایا۔ اس کے علاوہ کترینہ کیف 'یہ جوانی ہے دیوانی'اور'چنائی ایکسپرس' جیسی فلموں کیلئے بھی انکار کرچکی ہیں۔

ویوک ابرائے

جی ہاں! ویوک ابرائے کو فلم'ہم تم' کیلئے لیا جارہا تھا لیکن انہوں نے فلم سے انکار کردیا جس کے بعد  سیف علی خان نے فلم میں اپنے کردار انجام دیا جن کی وجہ سے ان کے کیرئیر کو چار چاند لگ گئے۔

کرینہ کپور خان

سنجے لیلا بھنسالی کی فلم 'ہم دل دے چکے سنم ' کیلئے اشوریا رائے کی جگہ کرینہ کپور کو لیا جارہا تھا البتہ انہوں نے فلم کیلئے انکار کردیا۔

کنگانا راناؤت

اداکارہ کو فلم'دی ڈرٹی  پیکچر' کیلئے کاسٹ کیا جارہا تھا لیکن اداکارہ نے فلم کی اسکرپٹ کو اچھا نہ سمجھتے ہوئے فلم میں کام کرنے کیلئے انکار کردیا۔

ہریتک روشن

جی ہاں! تین دوستوں پر مبنی فلم'دل چاہتا ہے' میں عامر خان کا کردار پہلے ہریتک روشن کو دیا گیا تھا  البتہ انہوں نے فلم میں کام کرنے سے انکار کردیا۔

سلطان

بگ بالی وڈ اسٹار سلمان خان کی کامیاب فلم'سلطان' کیلئے سب سے پہلے دپیکا پڈوکون کو کاسٹ کیا جارہا تھا البتہ انہوں نے فلم کرنے سے انکار کردیا جس کے بعد وہ کردار انوشکا شرما نے نبھایا۔

بھاگ  ملکھا بھاگ

ملک سے محبت اور اسپورٹ کے چاہنے والے اکشے کمار کو فلم'بھاگ ملکھا بھاگ' کے مرکزی کردار کیلئے سائن کیا جارہا تھا لیکن  اداکار نے فلم کیلئے انکار کردیا جس کے بعد فرحان آختر نے ملکھا کا کردار  فلم میں باخوبی نبھایا۔

بشکریہ: فلمی پوپ