ورون دھون جو اس سال اپنی فلمیں'بدریناتھ کی دلہانیہ' اور 'جڑواں 2' کی وجہ سے ایک کامیاب اسٹار رہ چکے ہیں انہوں نے حال ہی میں شوجت سرکارکی ہدایت  میں بننے والی فلم 'اکتوبر' کی شوٹنگ مکمل کرلی ہے۔

شوٹنگ کے معمول سےو قفہ لینے کیلئے ورون دھون ہفتہ کی شام کو  دہلی کی فلائٹ لے کر ڈبلیو ڈبلیو ای کے شو میں لیجنڈ  پہلوان ٹرپل ایج  کا مقابلہ انڈین اسٹار جنڈر ماحال  سے دیکھنے جا پہنچے۔

اداکار نے نہ ہی صرف میچ دیکھا بلکہ انہیں بیک اسٹیج پر  ٹرپل ایچ، جنڈر ماحال اور خاتون سپر اسٹار ساشا کے ساتھ ملنے کا موقع بھی نصیب ہوا۔

ورون نے  ان کے ساتھ لی گئی تصاویر اپنی انسٹاگرام اسٹوری پر پوسٹ کی جہاں انہیں  میچ ختم ہونے کے بعد ٹرپل ایچ اور جنڈر ماحال سے بات کرتے ہوئے پایا گیا۔

Holy Moly! @varundvn meets WWE legend @tripleh in New Delhi. | @wwe @wweindia @realbollywoodhungama . . . . . . . . . . #VarunDhawan #TripleH #TripleHinIndia #WWE #WWEIndia #Sports #Video #Fight #Wrestling #Bollywood #InstaCeleb #InstaFashion #InstaUpdate #InstaFollow #InstaLike #Ootn #ootd #Outfit #BollywoodHungama #Potd #VideoOfTheDay

A post shared by Bollywood Hungama🎥 (@realbollywoodhungama) on Dec 9, 2017 at 6:01am PST

.@varundvn meets our very own WWE star @jindarmahal in New Delhi | @realbollywoodhungama

A post shared by Bollywood Hungama🎥 (@realbollywoodhungama) on Dec 9, 2017 at 6:28am PST

ٹرپل ایچ کے ساتھ تصویر پوسٹ کرتے ہوئے اداکار نے ٹرپل ایچ کو لیجنڈ کے نام سے پکارااور ان کا شکریہ ادا کیا۔

واضح رہے کہ ورون دھون  کی نئی فلم 'اکتوبر' ایک پیار کی کہانی پر مبنی ہے جس کے لکھاری جوہی چاترویڈی ہیں۔

فلم دنیا بھر میں آئندہ سال13 اپریل کو سنیما کی زینت بنے گی۔ اس کے علاوہ  اداکار آئندہ یش راج فلم کی نئی فلم 'سوئی دھاگہ' میں انوشکا شرما کہ ہمراہ دیکھے جائیں گے جو اگلے سال ریلیز کی جائے گی۔

بشکریہ: بولی وڈ ہنگامہ