بے شک قدرت کی عطا کردہ ہر نعمت میں انسان کے لئے شفاء اور بے شمار فوائد پوشیدہ لیکن انسان ان تمام چیزوں سے بے خبر رہتے ہوئے بیماری آجانے کی صورت میں ڈاکٹروں کے ہاں چکر لگاتا اور مخلتف ادویات کا استعمال کرتا ہے۔ آج ہم آپ کو لہسن کے ایسے فوائد بتانے جارہے ہیں جس کا صحیح طریقے سے استعمال کرکے آپ ہسپتال کی شکل تک دیکھنا بھول جائیں گے۔

:ملاحظہ کیجیئے

ناخنوں کی مضبوطی

لہسن کا استعمال آپ کو بالوں کو مضبوطی فراہم کرتا ہے۔ اس میں سلفر موجود ہوتا ہے جو آپ کے ناخنوں کو سخت بناتا ہے اور تیزی سے ناخنوں کو بڑھنے میں مدد فراہم کرتا ہے۔

:طریقہ

لہسن کو کرش کریں اور اسے نان ٹاکسک نیل پالش کی بوتل میں ڈالیں پھر اسے ایک ہفتے کے لئے چھوڑ دیں۔ ایک ہفتے کے بعد اس نیل پالش کو اپنے ناخنوں پر اپلائی کریں ناخنوں کو تقویت ملے گی۔

بالوں کو خوبصورتی سے بڑھائیں

لہسن میں ایلیسِن کی وافر مقدار موجود ہوتی ہے جس کی مدد سے گرتے بالوں کا علاج بھی ممکن ہے۔

:طریقہ

سب سے پہلے لہسن کو سلائس کریں پھر اسے اپنی اسکیلپ پر مَلیں۔ اسے ملنے کے بعد اسے تیل کے ساتھ اپنی اسکیلپ پر اچھی طرح مالش کریں بالوں کے گرنے کا مسئلہ ختم ہوجائے گا۔

کیل مہاسوں سے چھٹکارا پائیں

لہسن کے اینٹی آکسیڈنٹس کیل مہاسے پیدا کرنے والے بیکٹیریا کو مار دیتا ہے۔ ایسے میں اپنے مہاسے پر کرش کیا ہپوا لہسن ملیں یا تو پھر لہسن کا ماسک چہرے پر اپلائی کریں نتیجہ آپ خود اخذ کر لیں گے۔

بانچھوں میں زخم

لہسن ایک اینٹی انفلیمیٹری ہے جس کی وجہ سے درد اور سوجن میں راحت ملتی ہے۔ تھوڑا سا لہسن کا پیسٹ لیں اور اسے براہ راست اپنی بانچھوں یعنی ہونٹوں پر لگائیں درد میں نمایاں کمی کے ساتھ ساتھ زخم بھی ٹھیک ہوجائے گا۔

پنجوں کے درد میں راحت

اگر آپ ایک اسپورٹس مین ہیں تو اکثر پنجوں میں درد کی بھی شکایت رہتی ہوگی۔ لیکن آپ کو بتائیں کے لہسن پنجوں کے درد سے بھی جان چھڑاتا ہے۔ آپ کو کرنا صرف یہ ہوگا کہ اپنے پنجوں پر لہسن کا پیسٹ لگائیں اور انہیں 10 منٹ کے لئے ہلکے گرم پانی میں ڈال لیں نتائج آپ کو حیران کردیں گے۔

Thanks to FB page Health For All Kids