ممبئی : شاہ رخ خان کو ان کے مداح ایسے ہی  ایک اچھا انسان نہیں کہتے ہیں بلکہ  بگ بولی وڈ اسٹار یہ جانتے ہیں کہ  عورتوں کو عزت دینا بہت ضروری ہے۔  اس کے علاوہ وہ ہمیشہ اپنے ساتھ کام کرنے والی اداکارہ کی حفاظت بھی کرتے ہیں اور بڑی عمر کی حیثیت سے  اپنے برتاؤدوسرے اسٹارز کے ساتھ کافی اچھا رکھتے ہیں۔

یہ تمام خوبیوں انہوں نے حال ہی میں ہونے والے ایک پروگرام میں ثابت کردیں جب  ان کی کو اسٹار دپیکا پڈوکون ان سے بات کرتے ہوئے  جذباتی ہوگئیں اور رو پڑیں جس کے نتیجے میں شاہ رخ خان نے ان کے آنسو ں صاف کیے۔

چلیں ہم آپ کو بتاتے ہیں کہ اس  پروگرام میں کیا ہوا۔

ایک خاص پروگرام 'باتیں ود بادشاہ' میں  شاہ رخ خان نے  دپیکا کے سامنے ان کی والدہ 'اجالا پڈوکون 'کے ہاتھ لکھا ہوا خط پڑھا جس میں ان کی والدہ نے اپنی بیٹی کی پروفیشنل زندگی کی کامیابی کا ذکر کیا تھا۔ ان کی والدہ نے یہ بھی لکھا تھا کہ وہ اپنی بیٹی کی کارگردگی سے کتنی متاثر ہیں اور انہیں اپنی بیٹی پرفخر ہے کہ اداکارہ کس طرح اپنی نجی اور  پروفیشنل زندگی کو ساتھ لے کر چل رہی ہیں۔

دپیکا یہ خط سن کر اپنے آنسو نہ روک سکی اور جیسے ہی ایک آنسو ان کے گال پر آکر گرا شاہ رخ خان فوراً دپیکا کے آنسو صاف کرنے ان کے پاس آگئے۔

ضرور یہ جذباتی ویڈیو دیکھ کر آپ کا دل بھی پگھل جائے گا۔

Deepika's breakdown after hearing her mother's letter #deepikapadukone #shahrukhkhan

A post shared by Follow For Daily Updates (@ourdeepika) on Nov 26, 2017 at 8:21am PST

یاد رہے کہ دپیکا نے اپنی پہلی بولی وڈ فلم میں  شاہ رخ کے ساتھ  'اوم شانتی اوم ' میں کام کیا تھا اور آج 10 سال بعد وہی دپیکا اب تک بےشمار ہٹ فلمیں بولی وڈ انڈسٹری کو دے چکی ہیں۔

اس کے علاوہ شاہ رخ اور دپیکا ایک ساتھ چنائی ایکسپرس اور ہیپی نیو ائیر  میں کام کرچکے ہیں اور دونوں اسٹارز ایک دوسرے کے قریبی دوست ہیں۔

بشکریہ: زی نیوز