فلم 'پدماوتی' کا ٹریلر ریلیز ہونے کے بعد حال ہی میں فلم کا پہلا گانا'گھومر'بھی ریلیز کردیا گیا ہے جس کے  بعد مداح  دپیکا پدوکون، شاہد کپور اور رنویر سنگھ کو فلم میں بےتابی سے دیکھنے کا انتظار کررہے ہیں۔

سنجے لیلا بھنسالی کی ہدایت کردہ فلم بھارت کی تاریخ کی سب سے دلچسپ کہانی  پر مبنی ہے  جس کا ذکر آئے دن خبروں میں بھی کیا جاتا ہے۔

فلم کے پہلے گانے 'گھومر' میں دپیکا پدوکون نے  عمدہ راجپوتانہ دانس کر کے ان کی ثقافت کو خراج تحسین پیش کیا وہی ویڈیو میں یہ بھی دیکھا جاسکتا ہے کہ رانی کے روپ میں ایک اور خاتون بیٹھی ہے۔ فلم بین یہ دیکھ کر پریشان ہے کے  اس اداکارہ کا فلم میں کیا کردار ہے۔

تو چلیں ہم آپ کو بتاتے ہیں کے دراصل یہ خاتون رانی ناگمتی(انوپریا گوئنکا) ہیں جو فلم میں مہاراوال رتن سنگھ(شاہد کپور) کی پہلی بیوی کا کردار نبھا رہی ہیں۔

'پدماوتی' شاہد کپور کی سنجے لیلا بھنسالی کے ساتھ  پہلی فلم ہے۔ شاہد کپور  ایک بہادر راجپوت کا کردار نبھاتے ہوئے مداح  کو متاثر کریں گے وہی  رنویر سنگھ سلطان علاؤدین کھلجی کو کردار نبھائیں گے جس کی ایک جھلک پہلے ہی مداح دیکھ چکے ہیں۔

یاد رہے کہ دپیکا اور رنویر کی بھنسالی کے ساتھ یہ تیسری فلم ہے لیکن اس بار یہ دونوں اداکار اسکرین پر ایک ساتھ نظر نہیں آئیں گے بلکہ  فلم میں دپیکا کا تعلق شاہد کپور سے ہے۔ مزہ کی بات  یہ ہے کے دپیکا   کی شاہد کپور کے ساتھ یہ پہلی فلم ہے۔

فلم یکم دسمبر کو ریلیز کی جائیں گی جس میں دپیکا  پدوکون ،رنویر سنگھ، شاہد کپور ، ادیتی راؤ  حیدری، جم سربھ اور راضا مراد دکھائی دیں گے۔

بشکریہ: زی نیوز