نامور ہدایت کارامتیاز علی   نے حال ہی میں ناکام ہونے والی  فلم 'جب ہیری میٹ سیجل 'پر دلچسپ تبصرہ کیا ہے۔

شاہ رخ خان اور انوشکا شرما کی اس فلم کو ملا جلا  ردعمل ملا البتہ یہ باکس آفس پر  زیادہ نہ چل سکی۔

ایک انٹرویو میں جب امتیاز علی سے پوچھا گیا کہ وہ اپنی فلم کی ناکامی کو بارے میں کیا سوچتے ہیں تو انہوں نے مسکراتے ہوئے جواب دیا  'کبھی خوشی کبھی غم'۔

رومانس اور کامیڈی سے بھرپور یہ فلم  دو کردار ہیری(شاہ رخ خان) اور سیجل(انوشکا شرما)  کے درمیان گھومتی ہے۔ اچھی کہانی ہونے کے باوجود یہ فلم مداحوں کا دل نہ جیت سکی۔

واضح رہے کہ اس سے پہلے یہ دونوں اداکار ایک ساتھ 'رب نے بنادی جوڑی' اور 'جب تک ہے جان' میں نظر آئے  تھے۔

امتیاز علی جنہوں نے حال ہی میں  ممبئی کے فلم فیسٹیول کی افتتاحی تقریب میں حصہ لیا، بتایا کہ  انہوں نے ایک نئی کہانی لکھ لی ہے اور  یہ سوچ رہے ہیں کہ اگلی فلم کونسی بنانی چاہیے۔

امتیاز علی  نے بتایا کہ وہ فیسٹیول میں انوراگ کشپ کی فلم 'مکا باز' دیکھنے کیلئے آئے ہیں۔

یاد رہے کہ امتیاز علی اس سے پہلے 'ہائے وے'، 'راک سٹار' اور 'جب وی میٹ' جیسی بلاک بسٹر فلمیں دے چکے ہیں۔

بشکریہ: انڈین ایکسپریس