نویا نویلی

امیتابھ بچن کی نواسی نویا نویلی کا بولی وڈمیں قدم رکھنے  کا کوئی ارادہ نہیں لیکن ان کے مداح ان کے سوشل میڈیا سے بے حد متاثر ہوتے ہیں اور انہیں اسکرین پر دیکھنے کے خواہش مند ہے۔

حال ہی میں ان کی کچھ تصویریں سوشل میڈیا پر وائرل ہوئی تھیں جن میں انہوں نے ایک کالے رنگ کا خوبصورت لباس پہنا ہوا تھا۔

سُہانا خان

اپنے والد سے خوب مشابہت رکھنےو الی سُہانا بولی وڈ کے ان اسٹار بچوں میں سے ہیں جن کے متعلق سب سے زیادہ بات کی جاتی ہے۔

جب بھی وہ کسی پارٹی یا کسی اور مصروفیت کے سبب گھر سے باہر نکلتی ہیں تو فوٹوگرافرز ان کے خوبصورت جھلک کو کیمرے کی آنکھ میں سمونے کیلئے تیار ہوتے ہیں۔

جانہوی کپور

جانہوی کپور،  جو جلد ہی بولی وڈ میں اپنے کیرئیر کا آغاز کرنے والی ہیں، نے ابھی سے ہی سوشل میڈیا پر لوگوں کے دل جیت لیے ہیں۔

سری دیوی اور بونی کپور کی بیٹی  کی حال ہی میں کچھ تصاویر  سوشل میڈیا پر وائرل ہوئیں تھیں۔

جس طریقے سے سری دیوی نے بولی وڈانڈسٹری میں پیر رکھنے سے پہلے ہی لوگوں کو دل جیت لیا تھا لگتا ہے بلکل ویسے ہی ان کی بیٹی بھی لوگوں کا دل جیت لیں گی۔

اننیا پانڈے

چنکی پانڈے کی خوبرو بیٹی  اننیا پانڈے پیرس کے'لے بال'  کی فلم سے  اپنے کیریئر کا آغاز کرنے پر خبروں میں ہیں۔اس ہائی سوسائٹی نے مختلف شہریت والے 20لڑکیا ں اور 20لڑکےبلائے ہیں۔

جس کے بعد ان کی والدہ نے سوشل میڈیا پر اپنی بیٹی کی تصویر پوسٹ کی جس کے ردعمل میں ڈھیر سارے لائکس آئے لیکن ان میں سے ایک کمنٹ فرح خان کا بھی تھا  جس سے صاف پتہ چلتا ہے کہ وہ  اننیا پانڈے کی خوبصورتی کو لے کر غیر یقینی کا شکار ہیں۔

اس کے علاوہ آپ کو بتاتے چلے کہ کچھ افواہوں کے مطابق یہ کہا جارہا ہے کہ 'اسٹوڈنٹ آف ڈی ایڑ 2' کیلئے اننیا پانڈے کو لیا جائے گا۔

ابراہیم علی خان

ابراہیم علی خان جو کہ بلکل اپنے والد سیف علی خان کی طرح دِکھتے ہیں۔ انہوں نے حال ہی میں انسٹاگرام پر ایک تصویر  پوسٹ کی جس کے ردعمل میں مداح کا کہنا تھا کہ سیف علی خان کے بچپن کی یادیں تازہ ہوگئیں۔

خوبرو ابراہیم علی خان  کی آنکھیں ہری ہیں جس کی وجہ سے لوگ انہیں خوب پسند کرتے ہیں۔

دوسرے سپر اسٹارز کی بچوں کی طرح انہیں بھی لوگ اسکرین پر دیکھنے کا انتظار کررہے ہیں۔

سارہ علی خان

سیف  علی خان کی خوبصورت بیٹی سارہ علی خان  کوحال ہی میں ہدایت کار  ابیشیک کپور کے ساتھ ایک مندر کے پاس دیکھا گیا جس سے لگتا ہے کہ اب ہمیں انتظار کرنے کی ضرورت نہیں اور سارہ علی خان کو ہم جلد ہی بولی وڈ انڈسٹری میں دیکھیں گے۔

میشا کپور

اگرچہ  میشا کپور صرف چند ماہ کی ہیں لیکن ان کے والد شاہد کپور کے مطابق اگر میشا ان کے نقش قدم پر چلنا چاہیں تو ان پر کوئی پابندی نہیں ہوگی۔

اس کے علاوہ ایک تقریب میں شاہد  کپور نے کہا کہ ان کی خوشی میشا کی خوشی سے جُڑی ہے اور میشا مستقبل میں جو کرنا چاہیں وہ کرسکتی ہیں۔

بشکریہ: ٹائمز آف انڈیا