گزشتہ سال راج کمار ہیرانی نے  'سالہ کھڑوس ' کی پروموشن کے دوران شاہ رخ خان کے ساتھ فلم کرنی کی خواہش کا اظہار کیا تھا،  لیکن اس حوالے سے کوئی خبر موصول نہ ہوسکی۔  پر بھارتی میڈیا کے مطابق حال ہی میں یہ سننے میں آیا ہے کہ  راج کمار اور شاہ رخ خان نے نئی فلم کیلئے  ہاتھ ملا لئے ہیں۔

مشہور منا بھائی اور تھری ایڈیٹس فلم کے ہدایت کار فی الحال اپنی نئی سنجے دت  کی زندگی پر مبنی فلم کیلئے کافی مصروف نظر آرہے ہیں اور امید ہے کہ یہ فلم ختم کرنے کے بعد راج کمار اپنی نئی فلم کیلئے شاہ رخ خان کے ساتھ کام کریں گے۔

جہاں راج کمار اپنی نئی فلم میں مصروف ہیں وہیں سپر اسٹار شاہ رخ خان ، آنند ایل رائے کی شوٹنگ میں بونے کے کردار نبھاتے ہوئے مصروف دکھائی دے رہے ہیں۔ اس فلم میں شاہ رخ خان کے ہمراہ کترینہ کیف اور انوشکا شرمہ بھی نظر آئیں گی۔

فلم انڈسٹری میں پہلی بار شاہ رخ خان اور راج کمار ہیرانی ساتھ کام کریں گے  ، البتہ اب تک اس خبر کی تفصیلات  ظاہر نہیں ہوسکی ہیں۔

بھارتی میڈیا کے مطابق  کچھ ہفتوں میں ہی اس خبر کا اعلان کردیا جائے گا۔

یاد رہے کہ اس سے پہلے راج کمار ہیرانی نے اپنی دو مشہور فلموں 'منا بھائی ایم بی بی ایس' اور 'تھری ایڈیٹس' کیلئے شاہ رخ خان سے رابطہ کیا تھا ، البتہ دو بڑے اسٹارز کے درمیان معاہدہ نہ ہوسکا۔

بشکریہ: بالی وڈ ہنگامہ