برمودا ٹرائی اینگل میں پراسرار جزیرہ نمودار
![-Getty](https://i.aaj.tv/wp-content/uploads/2017/07/gettyimages-170091878.png)
برسوں سے ہوائی جہازوں اور بحری جہازوں کو نگلنے والے پراسرار برمودا مثلث کے سمندر نے ایک پراسرار جزیرہ اگل دیا۔
کیپ ہیٹرس نیشنل سی شور کے حکام نے لوگوں کے وہاں جانے پر پابندی عائد کردی ہے۔
برمودا مثلث جسے شیطانی تکون بھی کہا جاتا ہے بحر اوقیانوس میں واقع سمندر کا ایک مخصوص حصہ ہے۔ اس علاقے کا ایک کونا برمودا ،دوسرا پورٹوریکو اور تیسرا میلبورن سے متصل ہے اور ان تینوں کونوں کے درمیانی حصے کو برمودا تکون یا مثلث کہا جاتا ہے۔
برمودا تکون میں گزشتہ طویل عرصے میں بحری جہازوں کی گمشدگی کے واقعات پیش آچکے ہیں جنہیں ڈھونڈنے کیلئے جانے والے بحری و ہوائی جہاز بھی ایسے کھوئے کہ تمام تر ٹیکنالوجی کے استعمال کے باوجود آج تک ان کا سراغ نہ مل سکا۔
تاہم اب اس تکون کے اسرار میں مزید اضافہ ہوگیا جب اچانک یہاں سے ایک جزیرہ ابھر آیا ہے۔ جنوبی کیرولینا کے ساحل کے ساتھ ابھرنے والے اس جزیرے کو مقامی افراد نے شیلی یا سیپیائی جزیرے کا نام دیا ہے کیونکہ یہاں لاتعداد سیپیاں بکھری ہوئی ہیں۔ان کے مطابق یہ جزیرہ گزشتہ 2 سے 3 ماہ میں ابھرنا شروع ہوا ہے۔
بشکریہ Independent
Comments are closed on this story.