پاکستان کی معروف اداکارہ مہوش حیات نے حکمراں جماعت تحریک انصاف کے رہنما و ٹی وی میزبان عامر لیاقت حسین کی جانب سے کی جانے والی تنقید پر کرارا جواب دے دیا۔

گزشتہ دنوں امریکا کی جانب سے کئے گئے فضائی حملے میں جاں بحق ہونے والے جنرل قاسم سلیمانی کے واقعے پر اداکارہ نے ٹویٹ کرتے ہوئے مذمت کی اور لکھا کہ 'مجھے یقین نہیں آرہا ہے کہ نئے سال کے صرف 72 گھنٹے گُزرے ہیں اور دُنیا جنگ کے دہانے پر کھڑی ہے'۔

Can’t believe that just 72 hours into 2020 & the world is already teetering on the edge of war. I guess this is wht happens when the "leader of the free world"takes unilateral decisions without regard for international laws. This isn’t just abt Iran &USA.God protect us #Soleimani

— Mehwish Hayat TI (@MehwishHayat) January 3, 2020

انہوں نے اپنی ٹویٹ میں مزید لکھا تھا کہ 'ایسا اُس وقت ہی ہوتا ہے جب آزاد ممالک کے رہنما بین الاقوامی قوانین کو خاطر میں لائے بغیر یکطرفہ فیصلے کرتے ہیں، یہ صرف ایران اور امریکا تک محدود نہیں ہے، خدا ہماری حفاظت کرے'۔

مہوش حیات کے اس ٹویٹ کے بعد عامر لیاقت حسین نے تمغہ امتیاز یافتہ اداکارہ پر تنقید کرتے ہوئے لکھا تھا کہ 'تمغہ امتیاز کا مطلب یہ نہیں ہے کہ آئٹم گرل امتیازی بیانات دیں'۔

تمغہ امتیاز کا مطلب یہ نہیں ہے کہ آئٹم گرل امتیازی بیانات دیں، اُنہیں پاکستان کی پالیسی کے ساتھ چلنا چاہئیے اور ویسے بھی قاسم سلیمانی اگر حیات ہوتے تو کیا ایران میں انہیں پرفارم کرنے بلاتے؟ https://t.co/NfDnwFaPSo

— Aamir Liaquat Husain (@AamirLiaquat) January 5, 2020

حکمراں جماعت کے رہنما و معروف ٹی وی میزبان نے مزید لکھا کہ 'اُنہیں پاکستان کی پالیسی کے ساتھ چلنا چاہیئے اور ویسے بھی قاسم سلیمانی اگر حیات ہوتے تو کیا ایران میں انہیں پرفارم کرنے بلاتے'؟

عامر لیاقت حسین کی اس تنقید کا کرار جواب دیتے ہوئے مہوش نے لکھا کہ 'یہ "آئٹم گرل" اپنی رائے دینے کا جمہوری حق استعمال کررہی ہے جبکہ آپ اِسے اپنا ذاتی مذاق بناتے ہیں اور اِس سے زیادہ کچھ نہیں، مرد بنیں'۔

This "item girl" is exercising her democratic right to have an opinion whereas you keep stooping to making personal jibes and nothing more. Man up! BTW whatever happened to the case you were filing against me for “Load Wedding”? I have been waiting with bated breath ...

— Mehwish Hayat TI (@MehwishHayat) January 5, 2020

انہوں نے طنزیہ انداز اپناتے ہوئے اپنی ٹویٹ میں مزید لکھا کہ 'ویسے اُس واقعے کا کیا ہوا جس میں آپ میرے خلاف "لوڈ ویڈنگ" کا مقدمہ درج کر رہے تھے؟ میں بے چینی سے انتظار کر رہی ہوں'۔