وزیراعلیٰ کے پی علی امین گنڈاپور نے کہا ہے کہ وہ آج صوبائی اسمبلی سے خطاب کریں گے اور اُس خطاب میں جو کچھ ہوا سب بتاؤں گا اور مستقبل میں کیا کرنا ہے، اس کا بھی ذکر کروں گا۔

اپنے بیان میں انہوں نے یہ بھی کہا کہ ان کے اور بشریٰ بی بی کے درمیان کوئی اختلافات نہیں ہیں، اور اختلافات کی خبریں محض پروپیگنڈا ہیں۔

علی امین گنڈاپور نے مزید کہا کہ ان کا مقصد بانی پی ٹی آئی کی رہائی ہے، اور ان کے خلاف بے بنیاد مقدمات درج کیے گئے ہیں۔

گنڈا پور کے بیان سے قبل ترجمان بشریٰ بی بی مشال یوسفزئی نے بتایا کہ اہلیہ عمران خان نے نہ سیاسی کمیٹی کی صدارت کی اور نہ ہی اجلاس میں شرکت کی۔

انہوں نے کہا تھا کہ ’بشریٰ بی بی کا کہنا ہے کہ بانی پی ٹی آئی کے حکم کے مطابق انہیں ڈی چوک پہنچنا تھا لیکن ڈی چوک میں پارٹی قیادت نہیں تھی‘۔