ملک میں ایک جانب لوگ عید کی خوشیاں منارہے ہیں تو وہیں دوسری جانب کندھ کوٹ کے کچے میں پولیس اور رینجرز امن دشمنوں کے خلاف لڑائی میں مصروف ہیں۔
آج عید کے روز بھی دوران آپریشن ڈاکوؤں کے درجنوں ٹھکانے نذر آتش کرکے چھ مشتبہ افراد کو گرفتار کرلیا گیا جبکہ پانچ مغوی بازیاب بھی کروالیے۔
پولیس کا کہنا ہے کہ لوگ عید کی خوشیاں منائیں، پولیس امن بحال کرنے کے لیے ڈاکوؤں کے خاتمے میں مصروف ہیں۔
پولیس حکام نے مزید کہا کہ ڈاکوؤں کے خاتمے تک آپریشن کو کسی صورت روکا نہیں جائے گا، خطے میں امن کا قیام پہلی ترجیح ہے۔
خیال رہے کہ تین روز میں آپریشن میں 6 ڈاکو زخمی ہوگئے ہیں۔
گذشتہ روز بھی مشترکہ آپریشن کے دوران 05 مشتبہ افراد گرفتار کیے گئے اور ڈاکوؤں کے متعدد ٹھکانے نذر آتش کئے گئے۔
