میرپور خاص کو لوڈشیڈنگ فری قرار دے دیا گیا ہے اور حیسکو چیف نے کہا ہے کہ شہر کو لوڈشیڈنگ سے بچانے کے لئے مزید ٹرانسفارمرز کی تنصیب کی جائے گی۔

نگراں وزیر اعلی سندھ مقبول باقر نے ایس ای آفس میرپور خاص میں منعقدہ تقریب میں وڈیو لنک کے ذریعے اعلان کرتے ہوئے کہا کہ قائد اعظم کے یوم پیدائش پر شہر کو لوڈشیڈنگ فری کی سہولت فراہم کی جارہی ہے، جس سے عوامی مسائل میں کمی آئے گی۔

وزیر توانائی وڈیو لنک کے زریعے تقریب میں شریک رہے، اس موقع پر حیسکو چیف بشیر احمد کا کہنا تھا کہ دو ماہ سے جاری سیکیورنگ حیسکو ملازمین کی جدوجہد اور عوام کے تعاون کا یہ ثمر ہے، جس کے باعث لائن لاسسز گھٹ کر صرف 6 فیصد رہ گئے ہیں، جن پر جلد قابو پالیا جائے گا۔

حیسکو چیف کا کہنا تھا کہ مستقبل میں شہر کو لوڈشیڈنگ سے بچانے کے لئے مزید ٹرانسفارمرز کی تنصیب کی جائے گی، ایمرجنسی کی صورت میں ٹرالی ٹرانسفارمرز مہیا کئے جائیں گے، جب کہ صارفین لی سہولت کے لئے ون ونڈو سینٹر قائم کیا گیا ہے۔