کراچی میں پانچ روزہ عالمی کتب میلہ جاری ہے، علم و ادب کے رسیا کتابوں کی خریداری کے لیے جوق در جوق کتب میلے میں شرکت کر رہے ہیں۔
کراچی بک فیسٹیول میں دنیا بھر کے موضوعات پر کتابیں رعایتی قیمتوں کے ساتھ دستیاب ہیں۔
کتب میلے میں نوجوان ، بچے، بزرگ اور تمام مکتبہ فکر سے تعلق رکھنے والے افراد کی دلچسپی دیکھنے میں آرہی ہے۔
بچوں کا رجحان تو کارٹونز اور اسی طرح کی دیگر کتابوں کی طرف ہے۔
جبکہ نوجوانوں کی دلچسپی ناولز اور شعر و شاعری میں دیکھی جا رہی ہے۔
اس کے علاوہ مختلف تاریخی موضوعات پر کتابیں بھی لوگوں کی دلچسپی کا باعث بنی ہوئی ہیں۔
یہ پانچ روزہ کتب میلہ 18 دسمبر تک جاری رہے گا۔