لاہور کے ڈاکٹروں نے نوجوان کا کٹا ہوا بازو کامیاب سرجری کے بعد جوڑ کر حیران کن کارنامہ انجام دے دیا۔
24 نومبر کو فیصل آباد میں وقار نامی مزدور کا ہاتھ مشین کے اندر آنے سے کٹ گیا، مشین کی زد میں آکر مریض کے بازو کی ہڈی اور شریانیں بری طرح کٹ گئی ۔
زخمی وقار کا ہاتھ صبح ساڑھے سات بجے کٹا، وقار کے لواحقین نے اسے فوری طور پر سول اسپتال فیصل آباد منتقل کیا، سول اسپتال فیصل آباد نے وقار کو ہینڈ اپر لمب سرجری سینٹر سی ایم ایچ لاہور ریفر کر دیا۔
مریض لاہور کے اسپتال دوپہر ایک بجے کے قریب پہنچا اور ڈاکٹروں نے 15 منٹ کے اندر اس کی سرجری شروع کر دی۔
سرجری کرنے والوں میں ڈاکٹر خالد قریشی، ڈاکٹر عطاء الرحمن، ڈاکٹر وحید، ڈاکٹر عاطف عزیز، ڈاکٹر ذیشان طالب، ڈاکٹر شعیب، ڈاکٹر عاصم اور ڈاکٹر عثمان شامل تھے۔
ڈاکٹروں کی ٹیم نے مریض کی ہڈیوں اور باریک شریانوں کو جوڑا اور آپریشن کے بعد مریض کے ہاتھ میں خون کی روانگی شروع ہوگئی۔
اگر کسی کا ہاتھ کٹے یا انگلیاں کٹ جائیں تو ہلز ایک ایسا سینٹر ہے جہاں بیک وقت آرتھوپیڈک پلاسٹک سرجری، نیورو سرجری اور واسکولر سرجری بازو سے جڑے انتہائی ٹرینڈ سپر سپیشلسٹ ڈاکٹرز ایک ہی چھت کے نیچے کام موجود ہوتے ہیں۔
