‏کورونا وائرس کے باعث پاکستان کرکٹ ٹیم کا دورہ یورپ خدشات کا شکار ہے، قومی ٹیم کو جولائی میں نیدرلینڈز میں 3 ون ڈے اورآئرلینڈ میں 2 ٹی ٹوئنٹی میچزکھیلنا ہیں۔

کورونا وائرس کے اثرات، گرین شرٹس کا دورہ یورپ بھی خطرات سے دوچار ہوگیا۔ نیدرلینڈز اور آئرلینڈ میں میچزملتوی ہونے کا امکان ہے۔

قومی ٹیم کو 4، 7 اور 9 جولائی کو نیدرلینڈزمیں 3 ون ڈے میچزکھیلنے ہیں لیکن کورونا وائرس کے باعث میچزملتوی ہوسکتے ہیں۔ کرکٹ نیدرلینڈزآئندہ 2 ہفتوں میں سیریز کے مستقبل کا فیصلہ کرے گا۔

پاکستان ٹیم کے دورہ انگلینڈ سے قبل آئرلینڈ میں بھی 2 ٹی ٹوئنٹی میچز شیڈول ہیں، 12 اور 14 جولائی کو ہونے والے ٹی ٹوئنٹی میچز بھی متاثر ہونے کا خدشہ ہے۔

نیوزی لینڈ کا دورہ نیدرلینڈز اور آئرلینڈ بھی کھٹائی میں پڑا ہوا ہے، نیدرلینڈز میں کورونا وائرس کے 19 ہزار سے زائد کیسزسامنے آچکے ہیں جبکہ 21 سو سے زائد اموات ہوچکی ہیں۔