نئے چیف الیکشن کمشنر کا اعلان ہوتے ہی قائم مقام چیف الیکشن کمشنرالطاف ابراہیم قریشی نے بڑے تبادلے کردئیے، قائم مقام چیف الیکشن کمشنرنے گریڈ 18 سے 20 کے 7 افسران کو تبدیل کردیا ۔

 الیکشن کمیشن میں تقررو تبادلے  ۔ سیکرٹری الیکشن کمیشن کے سٹاف افسرنعیم احمد تبدیل کردیا گیا ۔ سٹاف آفسر ٹو سیکرٹری الیکشن کمیشن نعیم احمد کو ضلعی الیکشن کمشنر صوابی تعینات کردیا گیا۔ الیکشن کمیشن کے ڈائریکٹر فنانس اینالسٹ علیم شہاب تبدیل جبکہ ڈائریکٹر فنانس اینالسٹ علیم شہاب ریجنل الیکشن کمشنر ملتان تعینات کردیے گئے۔ ایڈیشنل ڈائریکٹر جنرل الیکشنز شریف اللہ تبدیل کیا گیا۔

ایڈیشنل ڈائریکٹر جنرل الیکشنز شریف اللہ کو جوائنٹ الیکشن کمشنر خیبرپختونخواہ لگا دیا گیا۔ ریجنل الیکشن کمشنر ملتان شاہد اقبال ڈائریکٹر فنانس اینالسٹ  تعینات کردیئے گئے، ضلعی الیکشن کمشنر کوہستان، خیبر،صوابی تبدیل کردئیے گئے ۔