کراچی: ویمنز ٹرائنگلولر ٹی ٹوئنٹی کپ کل سے کراچی میں شروع ہوگا، قومی ویمنز ٹیم کی کپتان بسمہ معروف کہتی ہیں کہ ورلڈکپ سے قبل ایونٹ کارآمد ثابت ہوگا۔

آئی سی سی ویمنز ٹی ٹوئنٹی ورلڈکپ کی تیاری کیلئے کراچی میں 3 ٹیموں کا میلہ لگے گا، نیشنل اسٹیڈیم کراچی میں ٹرافی کی رونمائی ہوئی۔

پی سی بی ڈائنامائٹس، پی سی بی چیلنجرز اور پی سی بی بلاسٹرز کی ٹیمیں ایونٹ میں ان ایکشن ہونگی۔

تینوں ٹیموں کی کپتان کہتی ہیں کہ ورلڈ ٹی ٹوئنٹی کیلئے ٹرائنگلولر ٹورنامنٹ مفید ثابت ہوگا۔

واضح رہے کہ 8 روزہ ایونٹ کا فائنل 16 جنوری کو ہوگا، فاتح ٹیم کو 5 لاکھ روپے بھی ملیں گے۔