کراچی ٹیسٹ میں پاکستانی پلیئرز نے کئی ریکارڈز الٹ پلٹ کردیئے، پاکستان کیلئے دوسری بڑی اوپننگ پارٹنرشپ کا ریکارڈ بنایا، ابتدائی 4 بیٹسمینوں نے پہلی بار سنچریاں بنانے کا کارنامہ انجام دیا۔

تاریخی ٹیسٹ سیریز میں قومی کھلاڑیوں نے اپنی شاندار پرفارمنس سے کئی ریکارڈز توڑ کر تاریخ رقم کی۔

عابد علی نے راولپنڈی ٹیسٹ میں ڈیبیو پر سنچری بنائی، ون ڈے اور ٹیسٹ میں ڈیبیو پر کارنامہ انجام دینے والے دنیا کے پہلے بلے باز بنے۔ یہی نہیں کراچی ٹیسٹ میں بھی سیکڑا بنایا اور ابتدائی 2 ٹیسٹ میں سنچریاں بنانے والے پہلے پاکستانی بنے۔

شان مسعود اور عابد علی نے سری لنکا کیخلاف 278 رنز کی سب سے بڑی اوپننگ شراکت بنائی۔ 18 سال بعد پاکستان کے دونوں اوپنرز نے سنچریاں بنائیں۔

کراچی ٹیسٹ کی دوسری اننگز میں پاکستان کے ابتدائی 4 بیٹسمینوں نے سنچریاں بنانے کا کارنامہ انجام دیا جو اس سے پہلے صرف ایک بار ہوا۔

نسیم شاہ ٹیسٹ کرکٹ کی تاریخ میں ایک اننگز میں 5 وکٹیں لینے والے سب سے کم عمر فاسٹ بولر بنے۔