محض 14 برس کی عمر میں اچانک انتقال کر جانے والے اسکاٹش چائلڈ اداکار جیک برنس کی پُراسرار موت پر پولیس کا ردعمل بھی آگیا۔

غیرملکی میڈیا رپورٹس کے مطابق جیک برنس یکم دسمبر کو انتقال کرگئے تھے تاہم اہل خانہ نے اس خبر کو خفیہ رکھا ہوا تھا۔ کمسن اداکار یکم دسمبر کو اپنے کمرے میں تشویشناک حالت میں پائے گئے تھے اور اسپتال لے جانے پر ان کی موت کی تصدیق ہوگئی تھی۔

مقامی پولیس کے جاری کردہ بیان کے مطابق عوام سے خفیہ رکھے جانے والی موت کا علم پولیس کو تھا۔

بیان میں کہا گیا ہے کہ یکم دسمبر کو شام ساڑھے 3 بجے ایک 14 سالہ لڑکے کی موت کی اطلاع ملی تھی جس پر تحقیقات کا آغاز کردیا گیا تھا اور اس کا سلسلہ اب بھی جاری ہے۔

یہ بھی پڑھیں: چائلڈ اداکار جیک برنس 14 برس کی عمر میں اچانک انتقال کرگئے

پولیس کے جاری کردہ بیان میں کہا گیا ہے کہ یہ ایک طبعی موت ہے اور اس میں قتل کا کوئی شبہ نہیں ہے۔

پولیس نے 14 سالہ چائلڈ اداکارہ اور بیلے ڈانسر جیک برنس کی اچانک موت کے حوالے سے اپنی رپورٹ جمع کرادی ہے۔

واضح رہے کہ چائلڈ اداکار کی اچانک موت یکم دسمبر کو ہوئی تھی مگر اس خبر کو چھپایا گیا تھا۔