کچھ عرصہ قبل وزارت خارجہ کے بلاک میں ٹک ٹاک ویڈیو بناکر مشہور ہونے والی حریم شاہ بھی ہراسانی کا شکار ہوگئیں۔
ٹک ٹاک اسٹار نے ٹوئٹر پر ویڈیو شیئر کرتے ہوئے مقامی لوگوں کی جانب سے ہراسانی کا الزام لگایا اور لکھا کہ 'میں نے ایک تقریب میں شرکت کی جہاں سیکڑوں مداحوں نے مجھے گھیر لیا۔ ان میں سے ایک نے مجھے نامناسب طریقے سے ٹچ بھی کیا'۔
Attended an event where hundreds of my fans mobbed me. One of them touched me inappropriately. Kesy kesy besharam log hain iss dunya mein.. #MeToo pic.twitter.com/zPgAZKwdsa
— Hareem Shah (@_Hareem_Shah) December 7, 2019
انہوں نے اپنی ٹویٹ میں 'می ٹو' کا ہیش ٹیگ بھی استعمال کیا اور مزید لکھا کہ 'کیسے کیسے بے شرم لوگ ہیں اس دنیا میں'۔
واضح رہے کہ کچھ عرصہ قبل ٹک ٹاک اسٹار حریم شاہ کی وزارت خارجہ کے بلاک میں آزادانہ گھومنے اور شاہ محمود قریشی کے آفس میں وزارت خارجہ کی کرسی پر بیٹھ کر ٹک ٹاک ویڈیو بنانے کی ویڈیو وائرل ہوئی تھی جس کے بعد حریم شاہ اور حکمراں جماعت کو شدید تنقید کا نشانہ بنایا جارہا تھا۔
