لندن: لندن میں نواز شریف کی رہائش گاہ کے باہر مظاہرہ کیا گیا، مظاہرین نے نواز شریف اور ان کی فیملی کے خلاف نعرے بازی کی۔ مشتعل افراد نے ایون فیلڈ کا گیٹ توڑ کر اندر داخل ہونے کی کوشش بھی کی۔
دوسری جانب تحریک انصاف برطانیہ نے مظاہرے سے لا تعلقی کا اعلان کر دیا۔
Pti thugs try to attack the residence of Mian Nawaz Sharif in UK while he is residing there currently for treatment after being allowed by Lahore High court. This behaviour is not of a political party but that of a mafia. Shame on @ImranKhanPTI and Pti #GangsOfFascistNiazi pic.twitter.com/pTWxPePFEF
— Atif Rauf (@Atifrauf79) December 8, 2019
پی ٹی آئی لندن کے سیکرٹری اطلاعات کا کہنا ہے کہ ایون فیلڈ اپارٹمنٹس کے باہر پی ٹی آئی نے احتجاج کی کوئی کال نہیں دی، کسی بھی احتجاج کو پی ٹی آئی کا مظاہرہ نہ سمجھا جائے۔
تحریک انصاف لندن نے فیصلہ کیا ہے کہ سابق وزیر اعظم نواز شریف کی رہائشگاہ کے سامنے کسی بھی احتجاج سے پارٹی کو دور رکھا جائے گا۔
گزشتہ روز لندن میں نوازشریف کی رہائشگاہ ایون فیلڈ اپارٹمنٹس کے باہر احتجاجی مظاہرے کیے گئے۔ یہ احتجاجی مظاہرے باہر طارق محمود نامی شخص کے کہنے پر منعقد کیے گئے۔
یہ شخص اس سے قبل بھی تحریک انصاف اور پرویز مشرف کی آل پاکستان مسلم لیگ کی جانب سے نواز شریف کیخلاف احتجاج منعقد کرواتا رہا۔
اب ایک باہر پھر طارق محمود نے نوازشریف کی رہائشگاہ کے سامنے احتجاجی مظاہرہ منعقد کروانے کی کوشش کی لیکن ناکام رہا۔
کیونکہ سیکرٹری اطلاعات پی ٹی آئی لندن تقویم احسن صدیقی اپنے جاری کردہ بیان میں کہا کہ ہمارا نوازشریف کی رہائشگاہ کے سامنے احتجاج سے کوئی تعلق نہیں۔ پارٹی نے سابق وزیراعظم کی رہائشگاہ کے باہر کسی احتجاج کی کوئی کال نہیں دی۔
یاد رہے کہ نواز شریف اس وقت لندن میں علاج کی غرض سے موجود ہیں۔
