لاہور: پی ایس ایل فائیو کی آمد، شائقین پرجوش اور فرنچائزز تیار۔۔ اسکواڈ فائنل کرنے کا وقت آگیا۔ کل نیشنل کرکٹ اکیڈمی لاہور میں کھلاڑیوں کے چناؤ کا عمل مکمل ہوگا۔

ہر ٹیم 18، 18 کھلاڑیوں پر مشتمل اسکواڈ مرتب کرے گی، پک میں پہلی باری دفاعی چیمپئن کوئٹہ گلیڈی ایٹرزکی ہوگی۔

پاکستان سپرلیگ فائیو کیلئے پلیئرز ڈرافٹنگ کل نیشنل کرکٹ اکیڈمی لاہور میں ہوگی۔ ہر ٹیم 18، 18 کھلاڑیوں پر مشتمل اسکواڈ مرتب کرنا ہے۔

جیسن رائے، ہاشم آملہ، ڈیل اسٹین کے ساتھ شرجیل خان کس ٹیم کا حصہ ہونگے؟ شائقین کی نظریں لگی ہیں۔ پِک میں پہلی باری دفاعی چیمپئن کوئٹہ گلیڈی ایٹرز کی ہوگی۔

پلیئرز ری ٹینشن ڈیڈ لائن تک کوئٹہ گلیڈی ایٹرز، اسلام آباد یونائیٹڈ اور لاہور قلندرز نے 8، 8 جبکہ کراچی کنگز، ملتان سلطانز اور پشاور زلمی نے 7، 7 کھلاڑیوں کو برقرار رکھا۔