گوجرانوالا: قومی فاسٹ بولر حسن علی کی بھارتی اہلیہ سامعہ آرزو شادی کے بعد پہلی بار پاکستان پہنچ گئیں۔ گوجرانوالا میں گھر پہنچنے پر اہل خانہ نے شاندار استقبال کیا۔

 پاکستان کی بھارتی بھابھی سامعہ آرزو شادی کے بعد پہلی بار پیا دیس پہنچ گئیں۔ دبئی سے سیالکوٹ ائیرپورٹ پرآمد ہوئی پھر گوجروانوالا میں حسن علی کے آبائی گھر آئیں۔

 سامعہ آرزو پر پتیاں نچھاور کی گئیں اور گلاب کے پھولوں سے ریڈ کارپٹ استقبال ہوا۔

 حسن علی کی والدہ نے بہو کیلئے بریانی اور مٹن قورمہ تیار کیا۔ دونوں کی شادی 20 اگست کو دبئی میں ہوئی تھی۔