مٹھی، تھرپارکر میں بارش رحمت بجائے زحمت بن گئی، آسمانی بجلی گرنے سے ضلع بھر میں 8 خواتین سمیت 13 افراد جاں بحق ہوگئے۔

 تھرپارکر میں گزشتہ رات سے مسلسل بارش نے تباہی مچا دی، تھرپارکر میں آسمانی بجلی گرنے سے 8 خواتین سمیت 13 افراد جاں بحق جبکہ بڑی تعداد میں مویشی بھی مرگئے۔

تھرپارکر کے مختلف دیہی علاقوں اسلام کوٹ کے گاؤں بورلی موسی پورا 16 سال بچی لچھمی اور چھاچھرو کے گاؤں کیتار میں صائمہ، موڑاسیو میں مقیما، سکینہ،  عبدالرزاق اوڈنی میں سونا، اکلیوں میں 10 سال کا نیتو بھیل، رام سنگھانی میں منور، ھمیرڈانی میں جودسنگھ سمیت 13 افراد جاں بحق ہوئے۔ اس کے علاوہ 8 زخمی بھی ہوئے اور بڑی تعداد میں مویشی گائے، بکریاں، اونٹ بھی مرگئے۔