پاکستان تیسری بار اسنوکر کا ورلڈ چیمپئن بن گیا، محمد آصف نے تاریخ رقم کرتے ہوئے پاکستان کیلئے دوسری بار آئی بی ایس ایف ورلڈ اسنوکر چیمپئن شپ جیت لی۔
ترکی میں ہونے والے فائنل مقابلے میں محمد آصف نے فلپائن کے جیفری روڈا کو شکست سے دوچار کیا۔
بیسٹ آف ففٹین فریمز پرمشتمل حتمی معرکے میں آصف نے آٹھ پانچ کے اسکور سے میدان مارا۔
محمد آصف دوہزار بارہ میں بھی ورلڈ چیمپئن بن چکے ہیں۔
ورلڈ اسنوکر چیمپئن شپ میں پاکستان کا یہ تیسرا ٹائٹل ہے۔
انیس سو چورانوے میں محمد یوسف نے بھی یہ اعزاز حاصل کیا تھا۔
ٹائٹل جیتنے کے بعد محمد آصف نے اپنے تاثرات بھی پیش کئے، ویڈیو ملاحظہ کریں۔
