پاکستان کرکٹ ٹیم کے سابق کپتان اور موجودہ مایہ ناز کمنٹیٹر رمیز راجہ وزیراعظم عمران خان اور ان کی جماعت پاکستان تحریک انصاف کے شروع سے ہی حامی رہے ہیں۔
ان دنوں مولانا فضل الرحمان عمران خان کے خلاف آزادی مارچ لے کر اسلام آباد میں موجود ہیں اور وزیراعظم سے استعفے کا مطالبہ کررہے ہیں تاہم رمیز راجہ نے ایک بار پھر عمران خان کی حمایت میں اس تمام تر صورتحال کو کرکٹ کی زبان میں بیان کیا ہے۔
جمعے کے روز انہوں نے اپنی ٹویٹ میں لکھا کہ 'کرکٹ کی زبان میں اگر بات کی جائے تو مولانا فضل الرحمان کے خلاف عمران خان کا لائن آف اٹیک کچھ یوں ہوگا، 90 میل فی گھنٹہ کی رفتار سے لگاتار تین باؤنسرز کریں گے جس سے پورا جسم ہِل کر رہ جائے گا، اور پھر ایک شاندار اِن سوئنگنگ یارکر کے ذریعے انہیں میدان سے باہر نکال دیں گے'۔
Visualising, in cricketing terms, Imran Khans line of attack against Fazlur Rehman: three bouncers at 90 mph,preferably all body blows, & then knocking him over with a vicious in swinging Yorker!
— Ramiz Raja (@iramizraja) November 7, 2019
واضح رہے کہ پاکستان نے عمران خان کی قیادت میں جو بانوے کا ورلڈکپ جیتا تھا، اس ٹیم میں رمیز راجہ بھی موجود تھے۔
