گلوکارہ رابی پیرزادہ نے اپنی نازیبا تصاویر اور ویڈیوز لیک ہونے کے بعد شوبز سے علیحدگی اختیار کرنے کا فیصلہ کرلیا۔
انہوں نے سماجی رابطے کی ویب سائٹ پر ٹویٹ کرتے ہوئے لکھا کہ 'میں رابی پیرذادہ شوبز سے کنارہ کشی اختیار کرتی ہوں ۔ اللہ تعالیٰ میرے گناہوں کو معاف کرے۔ اور میرے حق میں لوگوں کا دل نرم کرے'۔
میں رابی پیرذادہ شوبز سے کنارہ کشی اختیار کرتی ہوں ۔ اللہ تعالیٰ میرے گناہوں کو معاف کرے۔ اور میرے حق میں لوگوں کا دل نرم کرے۔
وَتُعِزُ مَن تَشَاء وَتُذِلُ مَن تَشَاء#SaveaSoul
— Rabi Pirzada (@Rabipirzada) November 4, 2019
انہوں نے اس ٹویٹ میں #SaveaSoul کا ہیش ٹیگ استعمال کیا اور ساتھ ہی قرآن پاک کی آیت 'وَتُعِزُ مَن تَشَاء وَتُذِلُ مَن تَشَاء' (وہ جس کو چاہے عزت دے اور جس کو چاہے ذلت دے) بھی لکھی۔
اس سے قبل غیر اخلاقی ویڈیو لیک ہونے پر انہوں نے ٹویٹ کرتے ہوئے لکھا تھا 'جوبندہ دنیا میں کسی بندے کی پردہ پوشی کریگا اللہ عزوجل قیامت کے دن اس کی پردہ پوشی فرمائے گا'۔
#SaveaSoul
''جوبندہ دنیا میں کسی بندے کی پردہ پوشی کریگا اللہ عزوجل قیامت کے دن اس کی پردہ پوشی فرمائے گا۔''#RabiPeerzada— Rabi Pirzada (@Rabipirzada) November 2, 2019
واضح رہے کہ گزشتہ دنوں رابی پیرزادہ کی غیراخلاقی اور نازیبا ویڈیوز لیک ہوئی تھیں جس کے بعد وہ سوشل میڈیا پر ٹاپ ٹرینڈ بھی بن گئی تھیں۔ اس حوالے سے انہوں نے ایف آئی اے سے رجوع کا اور ان ویڈیوز کو لیک کرنے والوں کے خلاف ایف آئی اے کے سائبر کرائم ونگ کو درخواست بھی جمع کروائی تھی۔
