اسلام آباد: وزیراعظم عمران خان کا کہنا ہے حکومت ملک میں قانون کی بالادستی پر کسی صورت سمجھوتہ نہیں کرے گی۔
وزیراعظم عمران خان سے بابر اعوان سے ملاقات کی ہے۔ جس میں ان کا مزید کہنا ہے ریاستی اداروں کا تقدس اوراستحکام یقینی بنایا جائےگا۔
وزیراعظم نے کرتارپور راہداری کی تکمیل پر اطمینان کا اظہار کرتے ہوئے کہا کرتارپور راہداری بین المذاہب رواداری کی بہترین مثال ہے۔
دوسری جانب وزیراعظم عمران خان نے اپنے ٹوئٹ میں کہا کہ پاکستان کی تاریخ کے سب سے بڑے انڈرگریجویٹ اسکالرشپ پروگرام کا آج آغاز کر رہا ہوں۔
I will launch the largest ever needs-based undergraduate scholarship programme in the history of Pakistan today. 200,000 scholarships will be awarded over the next 4 years, 50,000 every year, 50% of these for women to promote human capital development under my @Ehsaas_Pk umbrella
— Imran Khan (@ImranKhanPTI) November 4, 2019
سماجی رابطے کی ویب سائٹ پر اپنی ٹوئٹ میں وزیراعظم عمران خان نے کہا کہ آج میں ضرورت مند نوجوانوں کے لیے ملکی تاریخ کے سب سے بڑے انڈرگریجویٹ اسکالرشپ پروگرام کا آغاز کروں گا جس کے تحت سالانہ 50 ہزار کی شرح سے 4 برس میں 2 لاکھ طلبہ کو وظائف دیے جائیں گے۔
وزیراعظم کا کہنا تھا کہ میرے احساس پروگرام کی چھتری تلے انسانی سرمائے کی ترقی کے پیش نظر ان وظائف کا 50 فیصد طالبات کے لیے مختص ہے۔
