English

Aaj Logo

Watch Live
☰
✕
اپ ڈیٹ 17 اکتوبر 2019 05:58am

'دونوں کو کہا پاکستان جا کر کسی مارننگ شو میں گئے تو میرا مرا منہ دیکھو گے'

سفیر الہٰی

برطانوی شاہی جوڑا شہزادہ ولیم اور ان کی اہلیہ کیٹ میڈلٹن ان دنوں پاکستان کے دورے پر ہیں۔ ایک طرف جہاں شاہی جوڑا پہلی بار آمد پاکستان پر انتہائی پُرجوش ہے، تو دوسری جانب شہزادہ ولیم کی دادی اور کیٹ میڈلٹن کی "دادی ساس" کے دورہ پاکستان کے حوالے سے کچھ ایسے پغامات منظرعام پر آئے ہیں جنہیں پڑھ کر آپ ہنس ہنس کر لوٹ پوٹ ہوجائیں گے۔

لیکن بے فکر رہئے یہ ان کے اپنے پیغامات نہیں، بلکہ کسی نے ٹوئٹر پر "کوئین الیزبتھ" کے نام سے ایک پیروڈی اکاؤنٹ بنایا ہے۔ جس پر ملکہ برطانیہ کا ردعمل انتہائی مزاحیہ انداز میں بیان کیا گیا ہے۔

ایک ٹویٹ میں پاکستانی ملکہ برطانیہ نے لکھا: میں نے دونوں کو کہا کہ پاکستان جا کر کسی مارننگ شو میں گئے تو میرا مرا ہوا منہ دیکھو گے۔

یہ بھی پڑھیں: کیا آپ جانتے ہیں شاہی جوڑے کا رکشہ چلانے والا شخص کون ہے؟

شہزادہ ولیم اور کیٹ میڈلٹن کی پاکستان آمد پر چھوٹی بہو میگھن مارکل کا تذکرہ کرتے ہوئے پاکستانی ملکہ برطانیہ نے ٹویٹ کیا کہ میگھن بھی ضد کر رہی ہے کہ اب اس کو بھی اپنے گاﺅں بہالپور جانا ہے۔

کیٹ میڈلٹن کی ایک ایسی تصویر جس میں وہ قہقہہ لگا کر ہنس رہی ہیں، شیئر کرتے ہوئے ملکہ برطانیہ نے بتایا کہ راستے میں سنٹورس مال دیکھنے کے بعد کیٹ خوشی سے پاگل ہوگئی۔

ملکہ برطانیہ نے ایک ٹویٹ میں پنجابی ثقافت کی بات کرتے ہوئے کہا کہ شہزادے نے ابھی مجھے میسج کرکے بتایا ہے کہ بڑی اماں یہاں پنجاب میں ہر دوسرے بندے کو پیار سے شہزادہ کہا جاتا ہے۔

اس حوالے سے دیگر انتہائی مضحکہ خیز پیغامات ملاحظہ کیجئے۔

Read Comments