پاکستان کے عالمی شہرت یافتہ گلوکار عاطف اسلم کے ہاں بیٹے کی پیدائش ہوئی ہے۔

عاطف اسلم نے اپنے بیٹے کی پیدائش کی خبر سے انسٹاگرام کے ذریعے اپنے مداحوں کو آگاہ کیا۔

انہوں نے اپنے بیٹے کی تصویر شیئر کرتے ہوئے اللہ کا شکر ادا کیا اور مداحوں کو بتایا کہ ماں اور بیٹا دونوں بالکل ٹھیک ہیں۔

عاطف اسلم نے اپنے مداحوں سے دعاؤں میں یاد رکھنے کی اپیل کی اور لکھا کہ 'ماشااللہ' کہنا نہ بھولیں۔

 

View this post on Instagram

 

Ladies and gentlemen our NEW arrival Alhamdulilah. Both mother and baby are fine. Keep us in your prayers and don’t forget to say Mashallah #atifaslam

A post shared by Atif Aslam (@atifaslam) on Dec 21, 2019 at 2:35am PST

جیسے ہی عاطف اسلم نے یہ تصویر انسٹاگرام پر شیئر کی تو مداحوں کی جانب سے مبارکبادوں اور دعاؤں کا سلسلہ شروع ہوگیا۔

ان کے مداحوں کی تعداد نہ صرف پاکستان بلکہ بھارت میں بھی ہے اور ان کے لئے بھارت سے بھی نیک خواہشات، دعائیں اور مبارکبادیں موصول ہورہی ہیں۔

واضح رہے کہ عاطف اسلم کی شادی 28 مارچ 2013 کو سارہ بھروانا سے ہوئی تھی ان کا ایک 5 سالہ بیٹا احد عاطف اسلم بھی ہے اور اب ان کے ہاں دوسرے بیٹے کی پیدائش ہوئی ہے۔