ہالی وڈ کے معروف گلوکار و اداکار اور بالی وڈ اداکارہ پریانکا چوپڑا کے شوہر نِک جونس نے پاکستانیوں انتہائی منفرد انداز میں ایک پیغام بھیجا ہے۔

انہوں نے ایک ویڈیو پیغام میں پاکستانیوں کو 'جومانجی: دی نیکسٹ لیول' دیکھنے کی دعوت دی ہے جو 13 دسمبر کو پورے پاکستان میں سینما گھروں کی زینت بن رہی ہے۔

انہوں نے اپنے ویڈیو پیغام میں منفرد انداز اپناتے ہوئے اردو میں 'سلام پاکستان' بولا اور پھر 13 دسمبر کو پورے پاکستان میں ریلیز ہونے والی فلم 'جومانجی: دی نیکسٹ لیول' دیکھنے کی دعوت دی جسے ایچ کے انٹرٹینمنٹ کے تعاون سے ریلیز کیا جارہا ہے۔

واضح رہے کہ اس فلم میں نِک جونس اہم کردار ادا کررہے ہیں، اُن کے علاوہ فلم میں ڈیون جانسن، کیرن گلان، کیون ہارٹ اور جیک بلیک جیسے معروف اداکار شامل ہیں۔